Stemmer frå ei fjern tid - forteljngar om bøker, viser, magiske formlar og merkelege teikn

Jostein Fet har dokumentert korleis vanlege folk på bygdene las langt meir enn det vi før har trudd.

I Stemmer frå ei fjern tid fortel Fet levande om fleire bøker frå den dansk-norske elitens litteratur, bøker som på forunderleg vis hamna i allmugehender og fekk ein særskild funksjon der.

Her lærer vi å kjenne ein ukjend bergenshumanist, vi får smakebitar av eit katekismeverk på 8000 sider (!), vi er med på å analysere ei av dei aller eldste folkevisene i landet. Ei ukjend verd opnar seg i kapitla om magiske formlar og nokre utydde teikn på veggen av ei sengebu.