Bobler i farris

I denne boka møter du ein heilt vanleg gut som heiter Per. Han bur omtrent midt i bygda. I eitt av nabohusa har han ein god kompis på sin eigen alder. Ganske ulik han sjølv, men likevel ein god venn, ein han kan halde ilag med.

Per likar ikkje å trene saman med dei store og sterke gutane. Han synest det er for vanskeleg, og det blir så lett utriveleg. Det finst då så mange andre kjekke ting ein kan drive på med! Per synest også det er fint å vere venn med eit par vaksne som han kjenner. Vaksenvennar kallast det. Vaksne han kan snakke med. Og så likar han jenta som bur i det gule huset, ho i den raude genseren ...

Anne H. Borgund kjem frå ein kystkommune i Sogn og Fjordane, er fødd i 1966 og busett på Vestlandet. Ho er utdanna ved høgskulen i Volda. Ho debuterte med barneboka Tuva i 2012.