Cadichon er eit rampete men festleg og - særleg ifølgje han sjølv - intelligent esel, som har ført eit om-flakkande liv. Snart har han vore arbeids--esel på ein gard, snart turkamerat for barn på ulike slott,
av og til har han levd heilt åleine ute i skogen. No bur han hos ei snill, gammal dame, og han er bestevenn med barnebarna hennar.
All livsvisdommen han har samla, vil han gje vidare til den vesle guten som han ser på som herren sin. Sidan Cadichon ikkje kan snakke, bestemmer han seg for å skrive ned alt som har hendt han i livet. Det gjer han ein vinter då det er så kaldt at han må vere inne i stallen sin mest heile tida. Og Cadichon har mykje på hjartet! Han fortel om to- og firbeinte som har vore snille mot han, om andre som har slått og mishandla han, og om sorga over å miste nokon ein har kjær. Han fortel underhaldande om alle rampestrekane han har gjort - dei er det mange av! -, men han er ikkje lenger like stolt av dei som då han var ung.
Cadichon er ein slags firbeint picaro, ein eventyrar, som til slutt lærer at lukka kjem til den som er god og omtenksam og ser sine medskapningar.
Eselet som vart snilt til slutt er ein fransk klassikar for barn i alle aldrar.
