Landet alltid raudt

Bjørn er femteklassingen som aldri klarer å styre seg. Han er den som alltid blir ustyrleg sint og alle vil tirre. Ein dag blir han så sint at han forsvinn over til Landet Alltid Raudt. Her treng folket sinnet hans. Dei har venta på han og dei hemmelege kreftene hans, som Bjørn sjølv ikkje veit at han har. Plutseleg står han midt i kampen mellom den vonde Gamle Aron og dei gode Kameratane. Det store slaget nærmar seg. Samtidig må venninna hans, Runa, finne ut kva som har skjedd og kor det har blitt av Bjørn. Den ukjende verda er full av sinne og vondskap, mens vår verd viser seg å vere full av mystiske personar, spor og hendingar ein ikkje ante noko om.