Berre ein hund ; Han Per

Berre ein hund er ein av Per Sivle sine beste og mest kjende tekstar. Historia vart først trykt i Sogor, 1887, og er ei gripande forteljing om venskapen mellom guten Per og hunden Hall. - Berre ein hund er ei av dei mest omtykte barneforteljingane i norsk bokheim, skriv Bjarte Birkeland i biografien sin om Sivle. Forteljinga kjem her i ny utgåve for born, litt innkorta og omskriven av Jens Brekke. Brekke har også skrive barneforteljinga Han Per, som følgjer Sivle frå barndommen i Aurland og på Vossestrand og fram til vaksen alder. Illustrasjonane av Anette Eriksson Linander er nylaga til denne boka.