Amanda - journalist og pioner

Amanda Cecilia Olsen, opphavleg frå Nordnes i Bergen, var ein av dei første kvinnelege journalistane i Norge. I femti år jobba ho som journalist i Sunnmørsposten, og reiste på kryss og tvers i landsdelen for å lage reportasjar. Ho har bak seg eit journalistisk livsverk som saknar sidestykke, og som er eineståande også i landssamanheng. Hennar skildringar frå møte med vanlege folks uvanlege liv er fantastisk lesestoff, som vi er sikre på vil fengsle nye lesarar i dag.