Johannes Sandvik er spesielt kjend som aktiv i heimefronten under krigen. Han var med i kampane i Valdres i 1940, og seinare dreiv han med våpentransport i ytre Sunnhordland. Aller mest dramatisk var det då han gøymde ein sterkt ettersøkt mann og transporterte han og venene hans ut av fåresonen. Til slutt vart han sjølv teken av tyskarane.
Vegen vidare var krevjande, med stoppestader som Bergen Kretsfengsel, Ulven leir, Espeland fangeleir og konsentrasjonsleiren Sachsenhausen. Gjennom alt vart han boren oppe av sin sterke gudstru.
Johannes Sandvik hadde elles eit allsidig liv. I ulike periodar var han motorbåtførar, entreprenør, småbrukar, kjøpmann, postopnar og ferjeekspeditør.
Boka er ei sterk påminning om at me aldri må ta fridomen og demokratiet som sjølvsagde verdiar i samfunnet vårt!
