Bygdepatriot med globalt perspektiv
Agnar Hjellvik, født 1922, er på god veg mot å runda hundre år, riktignok litt svakare i beina enn då han sprang oppover heiene på Osterøy, men like klår i hovudet som då han skreiv dei fyrste meiningstunge skulestilane. Varemerket har vore mot og engasjement, noko som pregar alle tekstene i denne boka. I løpet av eit langt liv som lærar og politikar har han sett nære og fjerne sider ved samfunnet som han meiner noko om. Han har alltid brydd seg om utkantane, og når økonomi og sterke makter regjerer, står ofte kampen mellom sentralisering og det å ta vare på fellesskapet og lokalmiljøet. Han vert kalla grendatingets far, men er like opptatt av dei alvorlege, globale utfordringene vi står ovanfor.
