Eg har sett jaguaren - latinamerikanske historier : dokumentar

Frå 1960-talet og fram til i dag har ordet forsvinne skapt politiske avgrunnar og personlege tragediar på det latinamerikanske kontintentet. Som NRK-journalist har Sigrun Slapgard fortalt om menneske i sentrum av dramatiske hendingar. Menneske som står opp mot overmakta, som risikerer livet for å få til endring. Sigrun Slapgard tar oss med på reisene sine; til El Salvador, der koder og forkledning er kvardagen for Slapgard sine kontaktar, men også døden; inn i den colombianske jungelen for å møte FARC-geriljaen i den nye, skjøre fredstida; og til Buenos Aires, der bestemødre nå opplever underet med at bortførte barnebarn kan dukke opp igjen over tretti år etter militærdiktaturet. Dette er historier som har nekta å sleppe tak i Sigrun Slapgard, som har blitt del av hennar eige liv. Ei sterk og personleg bok om mot og kraft, lys og mørke.