Jølster hotell - historier frå eit asylmottak

Dei reiste ifrå liva sine. Dei reiste ifrå mødrer og fedrar, ektefellar, kjærastar, barn. Ikkje alle visste om dei ville sjå sine kjære att. Dei reiste ifrå eit hus i Daraa, eit hus i Aleppo, farens villa i Raqqa, ei stråhytte på landsbygda sør for Mogadishu, ei stråhytte på landsbygda nær Jijiga, ei leilegheit delt med broren i Damaskus, moras hus i Khartoum. Ei tid var dei alle på asylmottaket som ligg i gamle Jølster hotell: Bassel, Hayat, Malik, Milka, Moayad, Najma, Shaban, Tblets og Yamen. Dette er historia deira. Katrine Sele (f. 1972) er forfattar og arbeider med kommunikasjon ved Høgskulen på Vestlandet. Ho er fødd i Danmark, men oppvaksen mellom anna i Zimbabwe, Bærum og Singapore. Ho har vunne fleire prisar som journalist, og har blant anna gitt ut bok om kunstnaren Oddvar Torsheim og biografi om Kenneth Sivertsen.