Ein dag i Flora - 09.06.09

Fotodokumentasjon av kvardagen i Flora tysdag 9. juni 2009. Dette var ein heilt vanleg dag i Flora kommune. Skuledag, arbeidsdag, fridag, litt regn, litt sol, litt av det meste. Men òg ein heilt annleis dag, fordi svært mange floraværingar greip kameraet og tok utfordringa frå Firdaposten om å fotodokumentere sin eigen kvardag gjennom eit heilt døgn. Redaksjonen fekk inn 3000 bilete å velje mellom. I boka har 86 fotografar fått bilete på trykk, til saman 260 foto, som på eineståande vis dokumenterer dei 24 timane eller 1440 minutta som var tysdag 9. juni 2009 i flora kommune.