I dette festskriftet, som blei gitt ut i samband med 70-årsdagen til Jon Hellesnes i 2009, blir han hylla av ei rekkje framståande fagfolk og forfattarar. Jon Hellesnes har prega den norske intellektuelle scenen i snart 50 år. Med si breie orientering i interessefelt og uttrykksmåtar er han ein av dei mest uvanlege og originale norske filosofane. Spennvidda i produksjonen hans er stor: I tillegg til å ha skrive tradisjonelt fagfilosofisk om emne som sosialfilosofi, etikk og filosofihistorie, har Hellesnes utmerkt seg som ein av Noregs fremste essayistar, og han har også ein skjønnlitterær produksjon bak seg Boka har bidrag av Ole Didrik Lærum, Audun Øfsti, Kjartan Fløgstad, Bjørn Kvalsvik Nicolaysen, Wolfgang Kuhlmann, Atle Kittang, Jan Inge Sørbø, Øivind Andersen, Kjell S. Johannessen, Olav Gjelsvik, Atle Måseide og Gunnar Skirbekk.
