Bestefars båtar - Edvard Løvfall skipsbyggeri 1914-1962

Opp gjennom åra fekk eg stadig høyra kor mange flotte og stolte, ja til og med banebrytande båtar han Edvard, bessen, hadde bygd. Alt frå den ''sagnomsuste'' polarskuta ''Polarfront'', via den framleis flotte veteranredningsskøyta ''Biskop Hvoslef'' og til den for den tida hypermoderne bilferja ''Torefjell''. På denne kunne bilane køyra inn i baugen og ut akter. Den hadde propellar og styrhus i begge endar, og dette var temmeleg nytt i Norge.

På 48 år vart det bygd 62 båtar ved verftet. I dag er mykje av dette gått i gløymeboka og det har teke meg mange år å finna opplysningar om skipsbyggeriet og kor alle båtane vart av etter at dei drog frå verftet.
- Eirik Graue