Blad or gløymeboka - minne frå Valestrand i tida 1940-1946

Det har etter kvart kome mange bøker som handlar om den tida då Noreg var okkupert av tyskarane. Hendingane i denne boka går føre seg i det same tidsromet, men her er det ikkje dramatiske krigshende som står sentralt. Skrivaren fortel om korleis det var å veksa opp i Valestrand i krigsåra. Han gjev att det han såg og sansa av daglegdagse hende i nærmiljøet og det som rørde seg elles i bygdelivet. Arne Søyland, fødd 1931 i Time på Jæren, no busett på Stord, er utdanna cand. mag. frå Universitetet i Oslo med faga norsk, fransk og kroppsøving. Det meste av yrkeslivet har han undervist i desse faga i gymnas og vidaregåande skule.