Girjecálli Inger-Mari Aikio lea veahkkálagaid áhciinis Jávrri-Juhán Niillasiin cohkken girjji iezaska ruovttubáikki Buolbmatjávrri birra.
Buolbmatjávri - jávri mii dolin lei vuotna. Áidna jávri gos eallá finddar. Jávri gosa goargnu diddi ja luosjuolgi ja gos leat goddon maid ággarasat. Áidna báiki Suomas, gos saddá miesttadanas. Buolbmatjávrri luondu leamasan álo eallima geadgejuolgi. Rievssat, rieban ja reaská, dat lei dolos olbmuid birgenláhki.
Buolbmatjávri - báiki gos leat eallán mánggalágan stuorra persovnnat. Elle-Máret, gii reaskabivddus curtii meahccefáktii, gii jearahii bivdolobiid. Ásllat-Ánde, gii oahpahalai matematihka ruohtti luhtehiiguin. Risten-Mággá, gii biepmai skiriid, mearralottiid, bohccuid ja buot heakkalaccaid. Jávrri-Ásllat, gii gávnnahalai borramis suoláduvvon heastta vuoivasa. Mihkku gii báinnii, oljii ja cogui vuovttaid nu, ahte juohke áidna vuoktacalbmi lei njuolga. Gulman Ásllat, gii goalkalii cuimmiin duiskalas hearrá oaivái. Jávrri-Jovnna, gii gearregasttii lohkameahttun gerddiid leansmánne vuostá. Hánnos-Niillas, gii lávii láhppit lássacalmmis ja gárgidii álo bággobarggus.
Girji addá saji olbmuid muitalusaide. Dasa mo olbmot leat vásihan ássiid, mo sii daid muitet dahje maid sii leat gullan. Dasa lassin fárus leat cállosat ja diedut lottiin, sattuin, dolos ássansajiin, ealáhusain ja odda áiggi joavdamis Buolbmatjávrái.
