Ei forbanna plikt - norsk politi 1940–1945

Kvifor deltok norske politifolk i Holocaust? Kvifor var 40 % av dei medlemmar av nazipartiet Nasjonal Samling ved krigsslutt? Kor stor motstand mot den tyske okkupasjonsmakta var det i politiet? Og korleis var det eigentleg å arbeida i eit norsk politi under eit press utan sidestykke korkje før eller etter?

Desse spørsmåla er blant dei som blir undersøkte i Ei forbanna plikt: norsk politi 1940–1945. Boka gjev innblikk i ei tid der kvar og ein i politiet sto overfor store fysiske, faglege og moralske utfordringar. Korleis dei svarte på desse utfordringane skulle ha store konsekvensar både for dei sjølv og andre.