Frå Svalbard til Odessa - på flukt gjennom krigen

Dette er historia om Kåre Olset frå Sunnfjord og Mads-John Thyvold frå Oslo og deira opplevingar frå andre verdskrigen. Dei rømde begge frå Noreg, og møtte kvarandre i carriertroppen i Skottlandsbrigaden. I 1943 vart troppen sendt til Svalbard, kor dei begge vart tatt til fange då tyskarane gjekk til åtak same haust. Saman med dei andre svalbardfangane vart dei sendt til fangeleiren Schildberg i Polen. I 1945 då tyskarane tapte på alle frontar og russarane gjekk mot Berlin, vart fangane i Schildberg evakuerte vestover. Olset og Thyvold klarte å rømme under evakueringa, men etter nokre dagar i dekning hamna dei i den russiske Stalingradarmeen, der dei måtte vere med på felttoget mot vest. Har oversikt over kjelder og register.