Grenda - ei lokalavis blir til

Året er 1951, ein sunnmøring med namn Olav Aurvoll slår seg ned i Rosendal. Frå kjellaren på Gjestegiveriet startar han lokalavisa Grenda heilt åleine og med få midlar. Med sin særeigne formidlingsstil skal han koma til både å gleda og hissa på seg avislesarar i Kvinnherad i nesten tre tiår. 63 år seinare lever avisa hans enno. Dette er historia om korleis lokalavisa Grenda blir til, korleis ho veks, utviklar seg og overlever - til tider mot alle odds.