På garden Auran på Skatval i Stjørdal kommune, står denne om lag 2,5 m høge bautasteinen ved ein av dei største gravhaugane i Trøndelag. Haugen blir i dag kalla Brokhaugen, men tidlegare vart han kalla Sigurdshaugen og det er ein tradisjon at haugen (og truleg bauta.steinen) er knytt til Sigurd jarl og at detteer staden Oglo der han og mennene hans vart brent inne,.
Dersom denne bautasteinen verkeleg vart sett opp til minne om Sigurd jarl, er dette truleg det einaste minnesmerket i det offentlege rom i Noreg om nokon av ladejarlane, dei hovdingane som la grunnlaget for at Noreg i år 1000 stod fram som ein samla, velstyrt og sjølvstendig statseining.
Gildehallen på Lade må ha vore noko av det siste forumet i Noreg for skaping og framføring av soger, dikt og skaldekvad med tema frå norrøn mytologi og var kanskje eit viktig grunnlag for at dei storfelte verka som blir kalla eldre og yngre Edda, vart hugsa og nedskrivne meir enn to hun.dre år seinare.
