Kystfolk og fiskarliv - frå Tyssøy til Tekslo

Kystfolk og fiskarliv er eit rikt illustrert kulturhistoriskverk med utgangspunkt i fiskarlivet og båtkulturen i eit tradisjonsrikt fiskeridistrikt. Denne boka er samstundes det første oppslagsverket om båtar i Sund. Om lag 600 fartøy i alle bygdelag frå Tælavåg til Tyssøy er her grundig presentert i bilete og tekst. Framstillinga tek føre seg utviklinga heilt frå dei eldste tidene, men hovudfokus er dei store endringane i fiskerinæring og levemåte frå slutten av 1800-talet og fram til i dag. Boka inneheld både små og store historier frå fiskeria, frå landnotfiske på 1800-talet og like fram til einmannsjarken Eirik av Skogsvåg og industritrålaren og snurparen Krossfjord i 2005.