Nytt av gamalt - formidling av Ola R. Midtbøs verk

Fyrste delen av denne boka tek for seg mannen og gjerninga. Ein vil gjere lesaren litt kjend med mannen og miljøet han kom frå, og gi ein liten presentasjon av noko av det Ola R. Midtbø har teke vare på for oss. Andre delen handlar om korleis vi som har fått dette materialet opp i hendene, kan gjere bruk av det på ulikt vis. Vi har gjort dette ved å ta materialet i bruk sjølve. Her finn ein mellom anna barneteikningar som illustrerer nokre av historiene Ola R. Midtbø skreiv ned. På ein CD som ligg ved boka er det nokre songopptak med han, i tillegg til innspelingar av nye arrangement av noko av den musikken han har etterlate seg i Arne Bjørndal sine samlingar.