Hausten 2011 var eg og Else på ferie i Tyrkia sammen med Svein og Berit Jortveit. Under middagen ein kveld seier Svein at han har eit oppdrag til meg. Det var om eg ville skriva ein artikkel til Kvinesdal historielag sitt årsskrift om sauesjået i Kvinesdal. Det var i grunnen Berit sin idè, sa han. Ho fortalte at ho som nyinnflytta lærer til bygda i 1968 snart forstod at sauesjået var ei stor begivenhet. Ho og Svein budde i ?lærerboligane? i Faret. På hausten same året som dei flytta inn, hadde dei sauesjået rett utafor huset. Det året var sjået nede på idrettsplassen omtrent der klubbhuset står i dag. Berit vaks opp i Vennesla og hadde aldri vore på eit sauesjå. Men ho forstod at det i Kvinesdal var ein stor dag når det var sauesjå. Ho mintest at ho var med klassen og såg på sauene. Ho hadde til og med kokt kompar til elevane den dagen, så det var ein riktig festdag for dei.
