Denne boka fortel historia om ein av landets eldste jordbruksskular. Mojordbruksskule er den eldste institusjonen innanfor den fykeskommunale verksemda til Sogn og Fjordane fylke, der Fylkesbaatane er den nest eldste, begge to i drift frå hausten 1858.Boka syner utviklinga frå den aller første tida, då elevane sin innsats var prega av jordbruksarbeid, der dei streva som drengar, fram til den moderne vidaregåande skulen vi finn på Mo 150 år etter. I dag heiter utdanninga.Utdanningsprogram for Naturbruk. I boka kan vi lese om utbygginga av skulegarden Mo, der vi m.a. følgjer tett på utviklinga av mjølkeproduksjonen fram til vår tid. Den allmenne samfunnshistoria ligg som eit bakteppe til denne lokale skulehistoria og gardshistoria, som såleis vert presentert i eit samfunnshistorisk perspektiv. Boka er rikt illustrert, mellom annamed mange elevbilete. Den inneheld ei komplett elevliste frå 1858 til 2008. Forfattaren Finn B. Førsund (f. 1946) frå Leirvik i Sogn, er historikar og forfattar med meir enn 25 publikasjonar av historisk art med tema frå Sogn og Fjordane. Han er utdanna cand. phil. ved Universitetet i Bergen med historie hovudfag.
