Tonen frå heimlandet - Smedal-spelemennene - ætt, miljø og utvandring

Forteljinga om Smedal-ætta frå Flatdal og Åmotsdal i Telemark er eit blad i norsk kulturhistorie. Slekta omfattar lærarar, kyrkjesongarar og visediktarar, ein riksadvokat og statsråd, ein grønlandsaktivist, to kirurgar og ein sheriff, og framfor alt ei rekke spelemenn på hardingfele.

Men historia om Smedal-familien er òg eit stykke norsk utvandrarhistorie, og syner korleis emigrantar til USA frå siste del av 1800-talet og godt inpå 1900-talet arbeidde for å halde oppe norsk kultur og identitet i det nye landet. Og framfor alt gjev ho oss eit portrett av ein familie på ni med ein uvanleg konsentrasjon av musikalske talent - ikkje minst spelemennene Harald, Gunleik og Eiliv Smedal.