Jan Ove Ulstein og Per M. Aadnanes (red.)
Jeg gikk meg over sjø og land . . Bidrag til Kyrkjefaga
Festskrift til Ottar Berge
Kyrkjefag Profil nr. 1
.
Denne artikkelsamlinga er ein hyllest til amanuensis Ottar Berge i høve 65-årsdagen hans. Bidragsytarane er henta frå ein breid vennekrins i kyrkjelege og teologiske miljø.
Den første delen tek opp religionspedagogiske emne, innanfor både kyrkje og skule. KRL-faget representerer eit nytt og utfordrande grensesnitt mellom skule og kyrkje. Dette aktualiserer også spørsmåla omkring kyrkja si dåpsopplæring. Den andre delen tek opp sider ved den kyrkjelege komunikasjonssituasjonen, frå det gamle spørsmålet om språk og religiøs erfaring til den kristne misjonens erfaringar med kulturmøte og kulturskifte. Den tredje delen handlar om kyrkjestrategiske og praktisk-teologiske utfordringar i både fortid og samtid, som statskyrkjesystemet og organiseringa av folkekyrkja, og kyrkja sitt møte med folketru og folkeleg livstyding.
Mange av artiklane vil kunna dekka behov for pensumlitteratur til kyrkjefaglege emne.
Redaktørar: Jan Ove Ulstein (f. 1944), cand. theol. og førsteamanuensis ved Høgskulen i Volda og Per M. Aadnanes (f. 1944), dr. philos. og professor ved Høgskulen i Volda.
Kyrkjefag Profil
er ein skriftserie frå Institutt for kristendomskunnskap og kyrkjefag ved Høgskulen i Volda.
