Arne Lie (født 1951) er frå Varhaug på Jæren. Han har vore prest i Sørum, lærar på Bildøy bibelskule, og deretter prest i Gol og i Hallingdal prosti. Utgitt boka «Berekraftig tru» (2022). Har skrive ytringar i Hallingdølen gjennom fleire år.
Forfattaren skriv om det som opptek han aller mest etter mange år som prest og sjelesørgjar. Kva betyr ordet «velsigning»? Er me i ferd med å miste velsigninga og la velstanden fylle alle rom? Kva er det viktigaste me kan møte kvarandre med? Kjemper me berre for eigne gode og ikkje for andre? Med Bibel og erfaring prøver forfattaren å rette søkelyset på viktige verdiar som velsigning, godheit og rettferd. Førstelektor i teologi ved NLA Høgskolen, Rolf Kjøde, tidlegare generalsekretær i Normisjon, skriv denne kommentaren: «Min tidlegare kollega, Arne Lie, skriv til velsigning. Gjennom den oppbyggelege teksten hans får vi djup sjelesorg, lærar sann etterfølging av Jesus, møter ein prest nær folk og ein bibelforankra formidlar. Særleg er eg begeistra for korleis han med frimod brukar Det gamle testamente inn i truslivet.»
