Gjennom tre tiår har Vidar Parr skrive korte tekstar til spalten På Tampen som han sjølv starta opp i lokalavisa Synste Møre. Ettertenksame, humørfylte eller sørgmodige, har dette vore tekstar med rom for andre stemningar og refleksjonar enn nyhendeartiklar og notisstoff. I denne boka har Vidar samla eit breitt utval av tampane han har skrive. Då Vidar brått vart alvorleg krefsjuk og døydde våren 2024, skjedde det samstundes som han la siste hand på denne boka. Baktankar kan difor også lesast som eit levande minne over den mangfaldige redaktøren som har gått bort. Vidar Lauritz Parr (1953-2024) vaks opp på Dyrkorn i Stordal og busette seg seinare på Fiskå i Vanylven. Frå 1998 til 2020 var han redaktør i lokalavisa Synste Møre. Overskotet av bokprosjektet går til Kreftforeninga ette Vidar sitt ynskje.
