Bendik Mannes - ein drivande fiskeripioner og skipsreiar

Boka om Bendik Mannes (1864-1934) , handler om ein mann som har sett mange spor etter seg i fiskerihistoria på Vestlandet. Det er vel ikkje å ta for mykje i, å seia at han var ein av dei største entreprenørane me har hatt på Karmøy. Han var handelsmann, skipper, fiskebåtreiar, sildesalter og politikar. I det heile var han ein mangfaldig mann. Det er sagt at han var den i Norge som eigde flest fiskebåtar, og om lag halvparten av båtane var han eineeigar av. Heile verksemda til Bendik Mannes skapte mange arbeidsplassar både på sjøen og på land. Han hyrte skipsmannskap og fiskarar på båtane, på sjøhusa jobba kvinnfolk og mannfolk med salting av fisk, ungar og vaksne var med og vaska, salta og tørka fisk og skipsbyggeria leverte båtar. Men denne boka er ikkje berre ei historie om Bendik Mannes. Den fortel òg om  det livet fiskarar og sjøfolk på Vestlandet opplevde med havet som arbeidsplass for omlag hundre år sidan.