Då skriudn gingo - om rasulykka I Ål 14.juni 1876

Onsdag 14. juni 1876 starta som ein blank og varm dag. Men på ettermiddagen slo det brått om. Mørke, nesten svarte skydampar kom sigande. Då dei møttest på åsen mellom Svarteberg og Øvre-Ål vart det eit forskrekkeleg torevêr og regnet auste snart ned. Bekkane vart på kort tid til elvar, og det rann vatn over alt. Snart losna dei første skreda. Det største skredet på Svartebergsida sopte med seg heile Arnfinngarden og tre menneskeliv gjekk tapt. Frå Øvre-Ål fløymde skred-massane over gardar og vegar. Totalt 42 eigedommar fekk redusert skatten etter denne hendinga. Det kom i gang ei nasjonal pengeinnsamling og Stortinget løyvde eit rentefritt lån. Uveret «Hans» i 2023 vart ei påminning om denne dramatiske hendinga. I ei tid med auka ekstrem-vêr og der skredfare og ras-sikring får utvida plass i planverket, kan denne forteljinga vera til ettertanke. Boka gir ei samla oversikt over kjente kjelder om ras-katastrofen i Ål for 150 år sidan