Eit bestialsk drap er opptakta til denne romanen. Korkje offer eller drapsmann, tid eller stad er identifiserte. Det er ei gåte mellom fleire gåter i denne forteljinga.
For meir enn to hundreår sidan vert ei lita fjordbygd på Nordvestlandet råka av ei katastrofe. Ei snøfonn sopar med seg eit heilt båtlag på veg til kyrkje. Fasttømra maktstruktur og sosiale roller vert med eitt slag brotne opp. Dei etterlatne lyt finne sine eigne vegar ut av samanbrotet. Dei strevar med å finne ei meining med Gud sin dødsdom over ei heil ætt, alt medan Djevelen og dei underjordiske luskar kring novene. Iheltagde og skamlagde hendingar frå fortida let seg ikkje lenger dylje. Samtalar, tankar og draumar driv handlinga fram. Det er kvinnene som må ta tak der mennene sviktar. 10-årige Rakel overlever ulukka som ved eit mirakel, men mistar mest heile ætta si. Romanen er ein fiksjon, men byggjer på faktiske hendingar og fortellartradisjon.
