Go'bitar frå besta si kokebok er meir enn ei kokebok. Dette er ei matbok som tek deg med på ei reise gjennom sunnmørsk matkultur dei siste hundre år. Boka har vorte ein sanseleg minnebok om mat, tradisjon og kultur på Sunnmøre. Du vil og få innsyn i grunnleggjande konserveringsmetodar, som det i dag ikkje er vanleg å gje plass til i ei kokebok. Har du til dømes lyst å lage di eiga kryddersild, lefser, solbærsaft eller svinemør, vil du finne både oppskrifter og framgangsmåtar. Boka inneheld omlag 200 oppskrifter, og er rikt pryda med om lag 150 bilete. Som bonus får du og ei del ord og uttrykk som har forsvunne, eller er i ferd med å forsvinne frå språket vårt. Boka skildrar også korleis "ho mor" har hatt det gjennom den rivande utviklinga som har funne stad i kjøkenet vårt sidan byrjinga av 1900-talet.
