Klepp historielag - Årbok 2023

I år spenner årboka frå verdshendingar og storpolitikk til frivillig arbeid i Klepp. Ein artikkel om Thorvald Tu sin bruk av personnamn og stadnamn har fått så mykje interesse utanom Klepp, at den og er å finna i Årbok for Rogaland historielag. Stein er der mykje av på Jæren, og tri artiklar omhandlar stein i ulike former. Ein hundre-åring fortel om opp- og nedturar i livet. For mange er sikkert Kjell Kleppe sin eineståande vitskapelege innsats ei ukjend historie. Broren, Gunnar Kleppe, gjev oss her et bilete på oppvekst og karreiere til Kjell. Det har også hendt at det har vore spetakkel i Klepp, i alle høve meinte formannskapet det i 1933.