Ei stor takk til 17 kvinner frå andre land som er busette i Volda kommune og 11 kvinner i Ørsta kommune. Dei har vist meg tillit ved å fortelje historiene sine og gje eit glimt inn i kulturen i heimlanda. I tidsromet september 2021 til oktober 2022 vart portretta av dei 17 kvinnene i Volda publiserte i Møre. Frå januar til august 2022 trykte Møre-Nytt portretta av dei 11 kvinnene i Ørsta. Takk til redaktørane Tore Aarflot og Svein Åm for interesse og velvilje. Ei særskild takk til Tonje Marie Nupen Aarflot i Møre som har hatt arbeidet med settinga av alle tekstane i denne boka. Portretta av dei 28 kvinnene er her samla og delte inn i to bolkar. Rekkjefølgja er ordna alfabetisk på land. Eg kjenner meg priviligert som har fått høve til å samtale med desse 28 reflekterte inspirerande kvinnene. Dei er modige som har busett seg i bygdene våre langt frå heimlandet. Reidun Aambø
