Kyrkjene i Romsdal av Max Ingar Mørk. Boka omtalar alle kyrkjer og vigsla bygg for Den norske kyrkja i kommunane Molde, Aukra, Hustadvika, Rauma og Vestnes. Gamle stavkyrkjer m.m. er også med, likeså andre kyrkjesamfunns gudshus. Over 50 kyrkjer er omtala, og meir 700 nye bilde av dei alle er med.
Boka har undertittelen Romsdal sogelag. Årsskrift 2021 for di dette er 85. årgang av denne årsskrift-serien.
Forfattaren Max Ingar Mørk, dr. ing. frå NTNU, har arbeidd i mange år med forvaltning av kyrkjebygg. Med seg på laget har han hatt Sigurd Mjelve som fotograf. Vi får presentert kva dei små lokalsamfunna, på trass av ofte stor fattigdom, har greidd å bringe fram av byggekunst, kunstnarleg utsmykking og handverk. Derfor har kyrkjebygget noko å seie til oss alle, uavhengig av tru.
Denne boka er laga for alle som vil vite noko om romsdalsk kulturhistorie.
