Lagsarbeid for fjordhesten i 100 år

I år er det hundre år sidan Ørsta og Volda Fjordhestlag vart skipa. Fjordhestlaget har i heile denne perioden vore eit av dei leiande avlslaga i Noreg, og svært mange fjordhestar av høg kvalitet frå vårt område har vorte selde til andre landsdelar og eksporterte til utlandet. Laget er framleis vitalt og held tradisjonen med å marknadsføre bygdene særs godt, blant hestefolk i inn- og utland, i beste hevd. I samband med jubileumet så har Morten Vinjevoll skrive bok om historia til laget. Boka er no klar for sal. Det er stor stas for oss å ha ei jubileumsbok. Boka fortel historia frå starten i 1925 og heilt fram til og med jubileumsutstillinga i haust. Det er mange ulike bilete frå ulike periodar med tilhøyrande tekst.