Årboka for 2022 spenner over eit tidsrom på halvtanna tusen år. Den store Gullskatten frå Oma er eit av dei rikaste funna me har frå folkevandringstida (400-550 e. Kr.) og viser at Jæren var ein viktig del av landet med omfattande kontakt med omverda alt på den tida. I den andre enden at tidsskalaen har me artiklar om oppvekst på trallefrabrikken på Bryne, om dei første kvinnene i Time-politikken, om den legendariske læraren Ola Barkved og om den banebrytande Jærfestivalen for lyrikk og viser på Bryne i åra omkring 1970. Alt dette er stoff som mange av våre eldre lesarar vil nikka gjenkjennande til, men som samstundes fortel om kor store endringar som har skjedd på eit par generasjonar.
Årboka vert avslutta med to vidt forskjellige eksempel på at historia vert teken vare på: Skilting av gamle stadnamn på Sikvaland og gjenopninga av jærhuset Lendestova, på Norsk Folkemuseum i Oslo.
Tarald Oma, Reidun Gudmestad, Anne Berit Hatlem, Åsmund Norheim, Tom Hetland/redaktør.
