Time Historielag Årbok 2024

2025 er det 200 år sidan den organiserte norske utvandringa til Nord-Amerika tok til. 4. juli 1825 drog sluppen «Restauration» frå Stavanger med 52 menneske om bord. Jubileet vil bli markert neste år på begge sider av Atlanteren. Årbok for Time historielag har valt å tjuvstarta ved at ein stor del av årets bok er vigd utvandringa frå Time. Mellom 1200 og 1500 menneske reiste frå kommunen vår, og etterkomarane deira i Amerika tel det mangedoble.

Årboka har derfor reist til USA og Canada for å oppsøkja nokre av desse og fortelja familiehistoriene deira. Mellom anna har me møtt etterkomarar etter Arne Garborg sine søsken.

Me takkar Sparebanken Sør for eit raust tilskot til å gjennomføra dette prosjektet.