Naturhistorisk vegbok - Hordaland

Eit omfattande bokverk om fylket si naturhistorie . ei tvillingbok til Kulturhistorisk vegbok, Hordaland.
Ei storsatsing på formidling av kunnskapen om naturressursar og naturkvalitetar i fylket - ei reise ut i landskapet og inn i kunnskapen!
Å sjå landskapet med geologen, botanikaren, zoologen og meteorologen sine blikk er for mange av oss ei ny naturoppleving . ei oppdagingsferd i makro- og mikro-universet, ei utforsking av naturen omkring oss. I denne boka vil du finna stoff om steinkonglomerat som ligg slik steinane vart avsett for millionar av år sidan, om kleberstein og hellebrot, om mellomalderlege blomeenger og varmekjære vokstrar i lune lier og yrande fugleliv på våtmarker og tidevassflater; ei bok til nytte og glede for skule og friluftsliv, for reiselivet, for næringslivet og for oss alle.