Har du nokon gong tenkt på korleis det er å vere ein modig maur?
«Å vere ein modig maur. Utforsking, leik og samskaping» set lys på korleis det å samskape om utforsking og leik kan gje deg relevant kunnskap for å handtere den komplekse kvardagen i barnehagen. Boka byggjer på ny forsking og teori om leik, utforsking og samskaping som grunnlag for læring i barnehagefeltet.
Boka er skriven for barnehagelærarstudentar. Ho er også relevant for alle som jobbar i barnehagefeltet eller er interesserte i utforsking, leik og samskaping.
Redaktørane Hege Fimreite, Lillian Pedersen og Anne Grethe Sønsthagen har med seg følgjande bidragsytarar: Veronika Bergan, Øyvind Glosvik, Rakel Elice Huglen, Kjersti Johannessen, Daniel Johnsen, Vilde Strand Kompelien, Magni Hope Lossius, Merete Nornes-Nymark, Jostein Sanderud, Elena Severina, Mona Vee og Astrid Wara. Desse kjem frå ulike fagfelt og dei fleste jobbar i barnehagelærarutdanninga.
