Det kommunistiske manifestet

Det kommunistiske manifestet, som Karl Marx og Friedrich Engels ga ut i 1848, er tvillaust den viktigaste boka som vart skriven på 1800-talet. Denne vesle boka til dei to store tenkjarane vart eit vasskilje i historia. Den fyrste, og til no einaste, utgåva av manifestet på nynorsk kom på prent i 1921 (Det Norske Arbeiderpartis Forlag) i ein strålande norsk målbunad, omsett av August Bosse. Denne andre utgåva er eit retta oppatt-prent av fyrsteutgåva. Attått fortalene til Marx og Engels inneheld boka og eit føreord skriven av Edvard Bull d.e. Bull skriv: "Det er ikkje nokor vedkjenningsskrift som rettruande teologar skal ha til tolking det er den logande revolusjonære appellen, det er tanke og eldhug ihopsveisa til eitt". Manifestet utgjer 68 sider og er prenta i eit lite og nummerert opplag (bibliofil-utgåve). Pris i utsal: kr 200.