Framstillinga tek for seg og drøftar kvinnekleda i den tradisjonelle folkedraktskikken i Vest-Telemark, kommunane Fyresdal, Kviteseid, Nissedal, Seljord, Tokke og Vinje. Tidsrommet er frå midten av 1600-talet fram til ca.1920. Klesskikken har vore i endring, sterkast frå og med 1880-åra då dei tradisjonelle kleda vart bytta ut med samtida sine klesmotar. Då utvikla bunaden seg. Utgangspunktet og grunnlaget for framstillinga er forfattaren sitt feltarbeid i Vinje og Lårdal i 1960-åra. Feltarbeid-tilfanget er sett i samanheng med andre kjelder. Det er bilete i folkekunsten, kunstnarbilete og gamle fotografi. Hovudkjelda for perioden ca. 1665 til omlag 1800 er skiftetilfanget. Har samandrag på engelsk, ordliste, oversikt over kjelder og litteraturliste.
