Anders Askevold (1834?1900) er eit velkjent namn i norsk kunsthistorie. Han voks opp i Askvoll i Sunnfjord, kom til Bergen som 13-åring og til Düsseldorf som 21-åring, der han var elev av H.F. Gude. Seinare budde han i Paris, Bergen og Düsseldorf. Han var den fyrste store kunstnar frå Sogn og Fjordane, og den fyrste som reiste ut.
Askevold henta alle motiva sine frå Vest.landet og tok med seg gjetarane, husdyra, naturen og det vestlandske kulturlandskapet inn i kunsten som ingen annan har gjort. Fjordlandskap og kyr var Askevolds spesialitetar. Heile livet heldt han fast på det nasjonalromantiske uttrykket han skapte seg etter at han kom til Düsseldorf.
Askevold var svært produktiv og populær, og han er godt representert i dei viktigaste kunstmuséa og galleria her i landet, i tillegg til mange i utlandet. Denne boka inneheld ei verkliste på over 950 måleri, og er rikt illustrert med kring 90 kunstverk og over 70 foto og andre illustrasjonar. Boka er den første samla framstillinga av Anders Askevold og livsverket hans.
English summary
