Gii bolddii John Savio?

Goas nu maŋŋel soađi jávke sárgosat ja deaddinpláhtat maid sámi dáiddár John Savio (1902-1938) lei guođđán ruovttubáikái Reaisvunnii. Márkanságaid mielde galget govat leat boldojuvvon, ja dola galgá Isalilla áddjá, Paul Kolpus, leat cahkkehan.

Isalill Kolpus guorrá daid govaid luottaid mat jávke. Dat doalvu su ruoktot Reaisvunnii, John Savio iežas lusa, su govaid lusa ja dasa maid son lea mearkkašan dáiddárin, Isalill Kolpusii, sámi kultuvrii ja dáčča kultuvrii.

Girjjis Gii bolddii John Savio? kombinere Isalill Kolpus iešguđet šáŋŋeriid. Das lea sihke rihkushistorjá jávkan dáidagiid birra, dáiddárbiografiija John Savio birra, bearašhistorjá jávohisvuođa birra ja njuorrasahtti muitalus das movt iežas duogáža geahččala áddet. Dán guorahallama olis bohciida muitalus sámi kultuvrra erenoamáš ceavzinnávccaid birra, vaikko Norgga stáhta garrasit vikkai jávkadit dan.