I Jærkokken lagar Heine Grov maten med enkle grep, faktisk så enkle at mange av rettane kan lagast ute. Men alltid med tanke på dei lokale produsentane. I tillegg til å gi eit vell av nye og utradisjonelle oppskrifter med utgangspunkt i lokale råvarer viser boka fram dei mange sidene ved Jæren: frå lune bygdetun til dundrande storhav i det breie og varierte jærlandskapet. Brynefotografen Ingeborg Skrudland har fotfølgt jærkokken både når han har utfalda seg på kjøkkenet, og når han har lagt ut på ekspedisjonar under den høge himmelen. Der har han brukt råvarene han har hatt for handa, og steikt, kokt og bakt. Heine Grov har fått mykje merksemd for arbeidet med å lyfte fram lokale råvareprodusentar og bruke dei i marknadsføringa av Jæren som turistmål. I 2006 fekk han Bryne Vels trivselspris for arbeidet med matkonseptet Det jærske kjøkken.
