Straeon Gwerin Cymru - I’r Hen a’r Ifanc a darluniau

Cyfarwydd yw’r hen enw am storïwr, un sy’n adrodd storïau.

Yn y llyfr hwn cewch gipolwg ar ei stôr o storïau gwych.

Dewch i gwrdd â môr-forynion swnllyd Bae Ceredigion, gwledydd cudd dan y môr, hen goeden lle mae drws i’r byd arall, a’r llyffant doeth holl-wybodus sy’n byw yng Nghors Fochno.

Neu beth am y ferch glyfar drodd yn alarch, gyr o wartheg swyn sy’n byw dan Lyn Barfog, a’r eliffant a fu farw – efallai – yn Nhregaron?