Båtreisa Bergen-Sogn

Bergen er porten til fjordane, og frå midten av 1800-talet har det vore faste båtruter mellom Bergen og Sogn. I denne boka tek Johs.B. Thue oss med på si reise - .den ultimate båtreisa. - med ekspressbåten frå Bergen og heim til Sogn. Båten følger kysten nordover, før han svingar inn Sognefjorden. Der møter vi moderne industristader, veglause gardar og flogbratte fjell. Vi kan òg vitje stavkyrkjer og eventyrlege hotell, og smake på lokale mattradisjonar. Gjennom sju rikt illustrerte kapittel deler privatpersonen, sogningen og historikaren sine subjektive reiseopplevingar med oss.