Heim - ei vandrehistorie

Etter å ha budd tretti år i Oslo vaknar Hallgeir Opedal ein morgon og bestemmer seg for å gå heim til plassen der han voks opp. Han pakkar sekken, låser leilegheita og vandrar vesteover mot Hardanger. Framføre seg har han nær 400 kilometer med asfalt.

Forfattaren lagar seg eit sett med reglar for vandringa, mellom anna at han skal snakke med alle han møter, og ikkje vere redd for omvegar. Dei fører også heim.

Men kva er eigentleg heim? Ein stad? Ei kjensle?

Og når er det for seint å kome heim?

Undervegs møter han folk - og ikkje minst seg sjølv - og skildrar møta med humor, varme og sjølironi.