I Drapet på Elise vert ein ung kvinneleg lækjar, Elise Nicolaisen, funnen livlaus i husværet sitt. Politimannen Gunnar Gundersen byrjar å arbeida med saka. Kan nokså uvanlege opplysningar om fortida hennar setja han på rett spor? Var ho nymfoman? Vart drapet gjort i sjalusi? Med ymse nyttige og unyttige innspel frå sambuaren sin, ein litt arrogant og hedonistisk kulturjournalist, kjem Gunnar Gundersen fram til løysinga, men då har han fyrst vori både på Hamar og i Finland. I oppfølgjaren Mysteriet på Ola Narr er vi først med Gundersen og sambuaren Jardar på ferie i Maribor i Slovenia der livsstilen til ein ekstrentrisk greve set griller i hovudet på Jardar, som byrjar interessera seg for forballspelarar. Vel heime i Oslo vert Gundersen konfrontert med noko som kan sjå ut som eit ordinært fylledrap. Det skal syna seg at det er det slett ikkje. Og kvifor får dei skuldige ikkje si rettvise straff? Dei to forteljingane inneheld alt ein utolsam lesar krev: mord, (homo) sex, kjærleik, politikk (bl.a. Irak-krigen), fotball og ein snev kulturkunnskap.
