Evig varer lengst, eller Where have all the lovers gone? - komedie i to akter

I ein treroms leilighet i Det norske Hus: Løgnarar og forsmådde, karrierejegarar og fasadeklatrarar, bistandshøvdingar og fredsapostlar, nevroser og sarkasmer, lengt og liding, klatretau som brest og illusjonar som festar grepet. Harry Osen kjem uventa heim frå Afrika, der han har vore bistandsarbeidar utan rapporteringslyst. I Osens leilighet i Oslo ligg vennen Stensil i seng med kona hans, Sara Osen. Stensil er separert frå Harriet, som på si side står i med Eksellensen, han som opnar dører for dei karrierelystne. Eit spel er i gang. Evig varer lengst er ein politisk komedie om eit samfunn der politikken ikkje lenger finst, og der alle konfliktar er forviste til intimsfærens forviklingar og forvekslingar. Evig varer lengst er Kjartan Fløgstads første skodespel.