I København rekk husa opp til himmelen, det har du sagt. Eg ser til verdens ende. Ein underleg figur. Det må vera kongen. Er ropar herre, herre, han helsar med meg ei rørsle med augo. Eg snur meg. Eg løftar føtene. Eg kjenner ingen. Høgst aller kjæraste husbond, og far til mine born. Gud halde dykk oppe, min hjartekjære, all lukkeleg velstand, og lat meg alltid få høyra gode tidender frå dykk. Det ønskjer eg meg av hjarta ...
Lars Amund Vaage er fødd i Kvinnherad i 1952. I nærleiken av det einaste baroniet i Norge, Rosendal. Den stilfulle hovudbygningen, den praktfulle hagen, der ungdommen har sverma hundreåra til endes. På 1600-tallet budde Karen Mowat i borga. Ho hadde gifta seg med adelsmannen Ludvig Rosenkrantz. Men adelens dagar var talde. Og deira edle kjensler spela seg ut mot ein bakgrunn av krig, sjukdom og hunger.
